కనుమ పండుగ
తేది: 14-01-2022
శీర్షిక : భూత దయ
కవిత సంఖ్య : 85+4
భారతీయతంటేనే
అందరు బాగుండాలని కోరేది ...
నోరున్న తోటి మనుషులే కాదు
నోరులేని పశు పక్ష్యాదులు కూడా ....
ప్రకృతంటేనే పరమపూజ్యమని
పక్కాగా నమ్ముకున్నోళ్లం ....
భూమి నీరు నిప్పును పట్టినా
ముట్టినా ... పబ్బతే ఎప్పుడూ ..
ఏరువాకతో మొదలయ్యి
ఎడతెగని సేవలందించి
చేను చెలకలన్నింటిని తెర్లించి
ధాన్య రాశులను ధారబోసిన
పశువుల బాగోగులే కనుమ పండుగ ....
కురుక్షేత్రంలో విజయతీరాలు ముద్దాడిన
నరనారాయణులే… అవని క్షేత్రంలో
ధాన్య రాసులు పండించి పసిడిపంటలు
కురిపించగ…హాలికుడికి తోడైన పశువులు…
కాలమాన పరిస్థితులకు కాచుకుని
కాపాడుకునే ఆరోగ్యాల కొరకై…పశువులకు
కడు ఔషధాహారాలనందించి
కమనీయంగా అలంకరించి ఆరాధించే
పండగే… కనుమ…
నగునూరి రాజన్న
కరినగరము
No comments:
Post a Comment