చివర, మొదలు
తేది: 31-01-2022
శీర్షిక : అన్నీ కలిస్తేనే ఆకారం ....
కవిత సంఖ్య : 208
అడ్డాలనాడే బిడ్డలు
గడ్డాలనాడు కాదనే నానుడుంది .
కానీ, అడ్డాలనాడు ఆదరించకపోతే
గడ్డాలనాటికి ఎలా చేరుకుంటారు .....
చివరలు మొదలులు కలిపి నిలిపే
మధ్యస్థం లేకుంటే మనకు
తెలుగులో మహాకావ్యం ఉండేదే కాదు
కవిత్రయం కలిస్తేనే తెలుగు మహాభారతం ....
పుట్టుక చావులు నీవైనా
బ్రతుకంతా దేశానిదేనన్నాడు
గొడవ మహాకవి కాళోజీ .....కానీ
తన చావును కూడా దేశం కోసం
వైద్యరంగానికిచ్చిన మహామహుడు ....
ఆరంభ శూరత్వమే కాకుండా
ఆనందంగా ముగిస్తేనే .... కార్యక్రమాల
సఫలతలు ప్రజలకందేది ....
పదిమంది బాగు పడేది .....ప్రభుత్వాలలో ....
స్వార్థాలు నెత్తికెత్తుకున్న కొంతమంది
పాలకులు మాత్రం .... పథకాలను సంవత్సరాల
తరబడి సాగదీస్తూ ... ప్రజా సొమ్మును పరతంత్రం
చేయడంలో సఫలీ కృతమౌతున్నారు... పారాహుషార్ !
నగునూరి రాజన్న
కరినగరము
No comments:
Post a Comment