అక్షరాల తోవ తేది : 04-01-2022 శీర్షిక : ఆలోచనల రూపం ..

 అక్షరాల తోవ 

తేది : 04-01-2022

శీర్షిక : ఆలోచనల రూపం .... 

కవిత సంఖ్య : 

సుందరమైన సూర్యోదయం వేళ  

పచ్చిక బయళ్ళమీద ... పతాకమై 

నిల్చిన మంచు బిందువులను 

సుతారంగా ముద్దాడిన సూర్యకిరణంలా..... 

అందంగా అల్లుకునేదే అక్షరాల తోవ .... 

జీవరాశిలో మిన్నగా నిలిపి...  

మానవాళిని ప్రత్యేకంగా చూపి.... 

రాతి గుహల జీవితాన్ని రంగు రంగుల 

భవనాలలోకి మార్చింది ....నాగరికతల 

తోటలో నడక నేర్పింది ... ఆలోచనలు ...  

ఆకులలములు పచ్చి మాంసాల 

భుజింపుల నుండి ... వంటా వార్పులు 

నేర్పించి వండి వార్చుకుని వడ్డించుకునే 

షడ్రుచులనందించి జిహ్వ చాపల్యాలను 

ఛేదించింది ....వివేకం...  

పరిసరాల పరిశీలనలలో ... ప్రశ్నించే 

గుణం నేర్పి .... ఫలితాలను రాబట్టుకునే 

పరిపక్వతలనందించి ... నిరంతర కొత్తదనం 

కొరకై .... ప్రయోగాల ప్రయత్నాలతో 

చేతి వృత్తులను  చేరదీసింది ....జిజ్ఞాస .... 

సాటివారిని సన్నుతించి  ... పొరుగు 

క్షేమం పొందు లాభమంటూ .... 

మంచి మనసులకు చోటివ్వమంటూ ...  

నలుగురి క్షేమాలు కోరితేనె  .... విశ్వ శాంతి 

విరాజిల్లుతుందని  తెలిపేదే .... విజ్ఞానం .... 

నగునూరి రాజన్న 

కరినగరము