కాలం పొరలపై
తేది: 02-02-2022
శీర్షిక : కదలాడు మన సంప్రదాయం
కవిత సంఖ్య : 837
బ్రతుకు బ్రతుకనియ్యన్నదే
బహు గొప్ప సంప్రదాయం హైందవాన ....
కడహీనమైన వస్తువైనా ... కానక
కాలు తాకితే... కళ్ళకద్దుకునే సంస్కారం .....
ప్రకృతిలోని ప్రతి రేణువును
పట్టినా .... ముట్టినా .... పబ్బతే
మన భారతాన అనాదిగా ....
పంచభూతములన్న ప్రాణసమంగా ....
పశువునైనా ప్రేమిస్తాం...పండగలా
ఏరువాక ... సంక్రాంతిలలో .....
పక్షినైనా ఆదరిస్తాం ప్రాణప్రదమై
పబ్బతిపట్టి... విజయదశమి జాడలలో ......
విషనాగులనైనా విరివిగా పూజిస్తాం
నాగుల చవితి ... పంచమిలలో ...
వింత ఆచారమే... కొంతమందికి ....
పిడివాదపు మిడి మిడి జ్ఞానులకు ....
మడి ఆచారాల మడత విప్పేకదా ....
మళ్ళీ మన కళ్ళకు ... సూక్ష్మజీవులు
నమస్కారమే సర్వ శ్రేయస్కరమని
సెలవిచ్చె కద విశ్వానికి...మన హిమ సంస్కారం ....
వెలుగు నీడలలో కాలం పొరలు
కప్పుకుంటూంటేనే ... మాయా మోహితమైన
ఈ జగం సాక్షాత్కారం .. మనిషికి ....
కష్ట నష్టాలను కడతేర్చుకుంటూ....
సుఖ సంతోషాలను వెదుక్కుంటూ ....
నిత్య శోధనమే ... మానవాళికి ......
సత్య సంధతలు నిండి…
కదలాడే మన సంప్రదాయం ....
నగునూరి రాజన్న
కరినగరము
No comments:
Post a Comment