వైకుంఠ ఏకాదశి
తేది: 13-01-2022
శీర్షిక : ముక్తికి మార్గం
కవిత సంఖ్య : 821
తర్కంతో శాస్త్రీయత ముగిస్తే
అక్కడ నుండే ఆధ్యాత్మికత
అల్లుకుంటుంది....
కోటి పుణ్యాలకు సాటి
మన వైకుంఠ ఏకాదశి ....
హేమంతములో సీమంతం
చేసుకునే చలిపులితో చెలగాటం .....
అనంతపద్మనాభుడు ఆశ్రిత
రక్షకుడై ... ముక్కోటి దేవతలతో
మురిపమై దర్శనమొసగే రోజు ....
అవనిని బ్రోవ మత్స్యావతారం
సురలను బ్రోవ కూర్మావతారం
నిరాశావాదులకు సైతం
నిండైన కోరికలు తీర్చే దైవం ....
క్షీరసాగర మధనంలో
హాలాహలం ...అమృతం
అన్నదమ్ముల్లా కవలలై
పుట్టినరోజు .... గరుడ వాహనా
రూఢుడై ఆ పరంధాముడు
భూలోకానికి వచ్చే రోజు .....
ఆదియు అంతం లేనివాడు
అనంతపద్మనాభుడు
భగవద్గీతను ఉపదేశించిన రోజు ....
ఆశ్రిత రక్షకుడై అందరిని
భూలోకాన పాలించే రోజు .....
స్వామి దర్శన సంతోషంతో
సహస్రార చక్రం ఉత్తేజితమయ్యే
ఉత్కృష్టమైన రోజు .....
నగునూరి రాజన్న
కరినగరము
No comments:
Post a Comment