యవ్వనం ఓ జలపాతం
తేది: 21-01-2022
శీర్షిక: పంచభూతముల ప్రతిమ…
కవిత సంఖ్య: 828
మూడింటి రెండొంతుల జలంతో
మనిషి పోలె కద భూమండలంతో..
ప్రకృతిలో తానూ భాగమంటూనే
పంచభూతముల ప్రతిమనని చాటె…
పరుగులెత్తే యవ్వనం జలపాతమే
కొండలనైనా పిండి చేసే కండబలం
సందు దొరికితే సర్రున దూరే తత్వం
మంచి చెడులు మనసుకెక్కని వైనం….
నీరు పరుగెడితే జలపాతమే …
నీడనిచ్చే తరువులైనా తలవంచాల్సిందే
బండనైనా ఒరిపిడితో లొంగదీస్తుంది
ఒండ్రుసారవంతములైనా వదలవల్సిందే….
మంచి చెడులు బోధించి మలచవల్సిందే
ఆనకట్టలతో అక్కడక్కడ అవసరానికనుకూలంగా….
నీరు పారితే నదీమతల్లై దీవిస్తుంది…
పచ్చని తివాచీ పరిచి ఆనందాలనిచ్చు
పంటపొలాలకు ప్రాణప్రదమై నిలుచు
తాగునీటికి సాగునీటికి సుహృద్భావమే…
పరుగులుపెట్టి…పెట్టి… పయనించిన
మనిషి కూడా పెద్దవాడై అనుభవాలగనిగా
నిశ్చలంగా ఉంటే సముద్రుడే….
పుష్కలమైన జ్ఞాన సంపదల
భాండాగారమై విలసిల్లు…..
కాలమానాలకు కదిలి మేఘమైనట్టు
మానవాళి మనుగడకు దోహదమే…..
నగునూరి రాజన్న
కరినగరము.
No comments:
Post a Comment