సామాజిక చింతన
తేది : 05-01-2022
శీర్షిక : స్వార్థం వదిలితే .....
కవిత సంఖ్య : 816
ప్రకృతి అప్పుడప్పుడు పుల్లవిరిచినా
పాలకులు పెద్దగా పట్టించుకోకున్నా
పక్క మనిషి అసలు పరితపించకున్నా ...
పట్టెడన్నం ప్రజలకు నిత్యం పెట్టాలనే
సన్నకారు రైతన్న కళ్ళల్లో...సదా మెరిసే
మెరుపుల కాంతే ....
నీలి మేఘాలలో మెరిసినా
కొండ లోయల నుండి పాకినా
సముద్రాలపై జలచరమై ఈదినా ....
ముందు వెనకల ఎవరు లేకున్నా
సదా తన మదిలో మెదిలేది ....
సర్వం సమర్పించుకునేది ....
సత్తా చాటి శత్రువుతో తలపడి
తనవాళ్ళందిరికి .... కంటినిండా
నిదురలనిచ్చి.... ప్రశాంతమైన
బతుకులు కోరుకునేదే .......
విచిత్రమేంటో గాని .....
సామాజిక చింతనలంటూ ....
సణుగుల్లే కానీ .... సర్దుబాట్లన్నీ
స్వార్ధ పూరితాలే ....
అనుభవాలు గడించామంటూ
అడ్డదారుల్లోనైనా వారసులనే
తదుపరి పాలకులుగా చేస్తున్న
ప్రజాస్వామ్యాలు .....
ప్రజలను పక్కాగా గాలికొదిలేసి ....
శ్రామికుల రక్తాలను స్వేదంగా మార్చి
ఫలితంగా లాభాలనే పట్టుకునే
ఏకఛద్రాధిపత్యాల కార్పొరేట్లకు....
ఎందులకో ఎరుక కాని సామాజిక చింతన..
నగునూరి రాజన్న
కరినగరము
No comments:
Post a Comment