మాఘ మాసం
తేది: 01-02-2022
శీర్షిక: మధుమాసమే
కవిత సంఖ్య: 836.
కాలమార్పుల యవనికపై
కదిలిపోతున్న హేమంతానికి
వీడ్కోలు పలుకుతూ..శిశిరానికి
ఆహ్వానమంపిన మధుమాసమాయే...
మఖ నక్షత్రంతో జత కట్టిన పౌర్ణమి
చంద్రమ వలన మాఘమాసమాయే
ఉత్తరాయణ పుణ్య కాలమున
ఉత్తమమై నిలిచె నారాయణు పూజకు ...
బాలలంతా కలిసి భాగ్యవంతంగా
కొలిచే చదువులతల్లి వసంత పంచమి…
అతివలంతా చేరి ఆర్తితో కొలిచేటి
సప్తాశ్వరుతమారూఢం శ్రీ సూర్యనారాయణుని
రథ సప్తమి శ్రేష్టం ఈ మాసమందే….
విష్ణు సహస్రనామాలను విశదీకరించిన
భీష్మ ఏకాదశి … జాతరలనేకముగా
జతగూర్చుకుని భగవన్నామ స్మరణలో
బతుకులీడ్వ ఉత్తరాయణ పుణ్యకాలము…
సంధి కాలమై నిలిచి
సమశీతోష్ణ స్థితులీయ
మంచి ముహూర్తములు
కొంత బూనే శుభకరములకు...
No comments:
Post a Comment