పాలపుంతల పరవళ్లు
తేది: 21-01-2022
శీర్షిక : చిత్ర విచిత్రాల సమ్మేళనం
కవిత సంఖ్య : 204
అనుపానులెరుగని అంబరాన
అంతా చిత్ర విచిత్రాల సమ్మేళనమే ....
అగ్నిగోళాల క్రమశిక్షణల కక్ష్య లు
అవతరించాయి అనేక పాలపుంతలు .....
గ్రహాలూ ఉపగ్రహాలు తోకచుక్కలు
ఆస్టరాయిడ్లు ఉల్కల్లాంటి అనేకమైనవి
కలిస్తేనే ....ప్రతి నక్షత్ర మండలం ....
నక్షత్ర మండలాలే ...
పాలపుంతలన్నీ...
అనేక పాలపుంతల సమ్మేళనమే
అనంత విశ్వం.....
ప్రతి గ్రహాపు భ్రమణ పరిభ్రమణాలే
ఋతువులుగా ఏర్పడి జీవరాశికి
మూలమైంది ... ఒక్కొక్క గ్రహం ఒక్కొక్క
వైవిధ్యభరితం ... పుష్కలమైన నిధి
నిక్షేపాలతో సంక్షిప్తమై నిలిచాయి ......
చీకటి వెలుగుల చిక్కుముడులే అన్నీను ....
మర్మంతో నిండిన పాలపుంతల
వృతాంతాలన్నీ ....కోకొల్లల పరీక్షలే
మన శాస్త్రజ్ఞులకు ఎప్పటికప్పు
తప్పని లెక్కల తప్పుడు తక్కెడలే .....
ముగిసిపోవు .... చిక్కు వీడదు .....
కాంతి సంవత్సరాల కొలమానాలతో
కంటి మీద కునుకు మరిచిన
మహానుభావులెంతోమంది ...
కదిలిపోతున్న తరాలెన్నో ....
కానరాని ముగింపులే అన్నీ ......
విచిత్రమేమిటంటే..... అంతు
చిక్కని అనంత విశ్వం .... సూర్య
చంద్రుల కదలికలు .... నక్షత్రాల
నడవడికలు ....గ్రహాల జాడలు ....
మనోనేత్రాలతో లెక్కగట్టిన
మహర్షులెంతోమంది మన హైందవాన ...
వందల వేల ఏండ్లనాడే .....
వల్లించారు మన పురాణాలలో...
నగునూరి రాజన్న
కరినగరము
No comments:
Post a Comment