ప్రత్యేక కవిత
తేది : 18-01-2022
శీర్షిక : నటనా నాయకుడు
నందమూరివారి కన్న బిడ్డ
కృష్ణా జిల్లా వారి ముద్దు బిడ్డ
తెలుగు వారందిరికి తెలిసిన
విశ్వ విఖ్యాత నటనా నాయకుడు .....
జానపదంలో జుగల్బందీ ...
పౌరాణికంలో ప్రామాణికం ...
చారిత్రికంలో అఖండం ....
సాంఘీకంలో కలికితురాయి ...
తరమేదైనా తరించవల్సినదే ...
తమకమై వెండి తెరల జాడల్లో ....
నటనా కౌశలమే కాదు ....
రాజకీయమైనా కొట్టిన పిండే...
నాటకీయమే రాజకీయ ప్రవేశం ....
రామారావుగారికి ... ఆ రోజుల్లో ...
షష్టి పూర్తి చేసుకున్నప్పటికీ
నిష్టగా తెలుగు ప్రజల కొరకు
చైతన్య రథమెక్కాడు ....
రాజకీయమంటే అందరిది అన్నాడు...
అతి తక్కువ సమయములో
అజేయమై నిలిచాడు ....
అడ్డదార్లు తొక్కుతున్న నాటి
నాయకులకు అడ్డుకట్ట వేసి
అప్రతిహతంగా గెలిచి చూపాడు ....
తెలుగంటే తంబి కాదని
విశ్వానికి చాటి చెప్పాడు....
తెలుగువారి గౌరవాన్ని....
ఆత్మను ... అభిమానాన్ని
దిగంతాలకు చాటాడు ....
నగునూరి రాజన్న
కరినగరము
No comments:
Post a Comment