ప్రేమ స్వరూపిణి
తేది 03-01-2022
శీర్షిక : పుణ్యమూర్తి
కవిత సంఖ్య : 814
బంగారు బాల్యంలోనే వివాహ
బంధం పలకరించి.... బాధ్యతల
గంప నెత్తికెత్తినా .... కొండంత
అండ పెనిమిటి సహకారంతోనే ...
చదువుల తల్లిగా అవతరించింది ....
ఆచారాల పేరుతో ఆడవారికి
అజ్ఞానాలను అంటగడుతుంటే ...
సంప్రదాయాల ముసుగులో
సదువు సంధ్యలు దూరం చేస్తుంటే....
అట్టడుగు వర్గాల మహిళలకు
అక్షరాల తోవను అందించే క్రమంలో
ఉన్నత వర్గాల వేధింపులను
ఉక్కుసంకల్పాల మనో నిబ్బరంతో
ఒక్కతే తాను నిలిచి గెలిచింది ....
సంఘ ద్రోహులంతా కట్ట కట్టుకుని
కుల మత లింగ బేధాలను
కుట్రలతో కుంటి సాకుగా చూపుతుంటే ....
కుండ బద్దలు కొట్టి .... ఎదురునిల్చిన ధీశాలి ....
వితంతువులకు అండదండలై
మూఢనమ్మకాలనుండి ముక్తి కలిగించి
పీడిత తాడిత ప్రజలకొరకు బరిలో
నిలిచి జీవితం అంకితం చేసిన పవిత్ర మూర్తి....
పుష్కర వయస్సులోనే వివాహమైనా ....
పుట్టి బుద్దెరిగిన నుండి పునీతమే
ఆమె జన్మంతా .... సంధించింది
సమ సమాజ సేవకు ... పుణ్యమూర్తిగా ....
భర్త సహకారంతో బాధ్యతలు
పంచుకుని .... బడుగులకు
బడి బాటను పరిచిన తొలి
మహిళా ఉపాధ్యాయురాలు …
నగునూరి రాజన్న
కరినగరము
No comments:
Post a Comment