భోగి పండగ
తేది: 14-01-2022
శీర్షిక : భోగ భాగ్యాల పంట ...
కవిత సంఖ్య : 822
ఆచార వ్యవహారాలన్నీ
ఆరి తేరిన ఉద్దండుల బోధనలే ...
సంస్కృతీ సాంప్రదాయాలన్నీ
సమస్యల పరిష్కారాలే హైందవాన .....
సామాన్య వాంఛల
సమాహారం కాకుండా...
పరమోత్తమ కైవల్యం
సాధించిన గోదమ్మ ...
ధనుర్మాస వ్రతం చివరి రోజు .....
దక్షిణాయన సంపూర్ణంతో
దినకరుడు ఉత్తరాయణానికి
ఆయత్తమయ్యే ముందు రోజు ....
మకర సంక్రమణ ఆహ్వాన మహోన్నతం ....
పంట దిగుబడులు ఇంట నిండగ
భోగ భాగ్యములనిచ్చు భోగి పండగ..
భోగ భాగ్యములనిచ్చు భోగి పండగ..
కాల మార్పులకనుకూలముగా
పాత చెడులను పారద్రోలుతూ ....
గమ్మత్తయిన గాలిపటాలు
జోరు పెంచే కోడి పందాలు
ఆనందాల బొమ్మలకొలువులు
తరుణిలను మురిపించే రంగవల్లులు
మార్పు సహజమైనను...
మంచినెంచుకుని ముందుకు
సాగ ... మనందరికీ మార్గదర్శమే
భోగి పండగ అన్నివిధముల .....
నగునూరి రాజన్న
కరినగరము
No comments:
Post a Comment