నిజ జీవిత సౌందర్యం
తేది : 27-01-2022
శీర్షిక : అసలైన సౌందర్యం
కవిత సంఖ్య : 832
నాగరికతల నడకల్లో మనమంతా
హొయలు పోతూ .... మట్టి
మనుషులమనే పచ్చి నిజాన్ని
మరిచిపోయి బతికేస్తున్నాం .....
పాశ్చాత్యం నెత్తికెత్తుకుని
పైరగాలికి రెల్లు గరికలా...
హాయిగా తలాడించి తన్మయత్వం
చెందడం కాదు గదా ......
తలవంచిన ... వరిచేనులా
తల్లి పిల్లల కడుపులు నింపే
తపనలు నిండుగ ఉన్నప్పుడే ...
నిజ జీవన సౌందర్యపు నిండుదనం...
కొద్దో గొప్పో పల్లెల్లో కనగలిగేది
పట్టణాల్లో దుర్భినికైనా దొరకనిది
అసలైన జీవన సౌందర్యం ....
అక్కడక్కడ ఆత్మసాక్షి ప్రశ్నించినా ....
అక్కరలేవని సర్ది చెప్పుకుంటూ
అక్కడనుండి జారుకోవడం ....
పరిపాటియే కదా నేటి తరానికి ...
పటాటోపాలనే కంటి పాపలా
భ్రమపడుతూ .....
నగునూరి రాజన్న
కరినగరము
No comments:
Post a Comment