అక్షరాల తోవ
తేది : 04-01-2022శీర్షిక : ఆలోచనల రూపం ....
కవిత సంఖ్య : 815
సుందరమైన సూర్యోదయం వేళ
పచ్చిక బయళ్ళమీద ... పతాకమై
నిల్చిన మంచు బిందువులను
సుతారంగా ముద్దాడిన సూర్యకిరణంలా.....
అందంగా అల్లుకునేదే అక్షరాల తోవ ....
జీవరాశిలో మిన్నగా మానవాళికి
జవసత్వాలనిచ్చి మహోన్నతంగా మలిచిన
అచంచలమైన ఆలోచనా విధానాలకు....
అనుక్షణం ఆలంబనగా సానబెట్టేదే ....
అక్షరాల తోవ ....
జీవరాశిలో అధమంగా ... సాటి
మనిషినే సదా తొక్కాలనుకునే .. క్రూర
మనస్థత్వాల విష బీజాలనుండి మనకు
మనంగా రక్షణ కవచమై నిలిచేదే ....
అక్షరాల తోవ ....
సాటి మనుషుల పైననే కాకుండా ....
కంటికి రెప్పలా .... సర్వత్రా మన
క్షేమం కోరే ప్రకృతి...పంచభూతాల
పట్ల సద్భావనలు కలిగి... సర్వత్రా
హర్షామోదం పొందడమే సంతోషమైన
అక్షరాల తోవ ....
అంతం లేనిది ... అనంతమైనది...
కపటమెరుగని కాలప్రవాహంలో...
అపారమైనది .... అజేయమైనది ....
సవ్యదిశగా సాగుచేస్తే .... సవ్యసాచులే ....
ఎందరో మహానుభావులు....
అందరికీ వందనాలు .....
నగునూరి రాజన్న
కరినగరము
No comments:
Post a Comment