పర్యావరణం
తేది: 06-06-2020
శీర్షిక: పచ్చదనం జీవమని
సంఖ్య: 437
పాడవోయి మానవుడా
పచ్చదనం జీవమని //మరకతంగా మెరిసిన
మణి గర్భిత భూమాతను
మసిబూసిన మారేడుగ
చేయనే చేయొద్దని // పాడ//
చక్రం పనిముట్లతో
చలనమైన నాగరికత
చెట్లు చేమలు నరకవద్దని
చరమ గీతం పాడవద్దని //పాడ//కొండ కోనలు పిండి చేస్తే
మండుటెండలు మాడ్చునని
వానచినుకులు కరువులయితే
నీటిమట్టములింకునని //పాడ//
ప్రకృతంటే శ్రేష్టమని
పంచభూతములను
పొదుపుగా వాడమని
ముందుతరం హక్కులని //పాడ//
పాడవోయి మానవుడా
పచ్చదనం జీవమని //
నగునూరి రాజన్న
కరినగరము
No comments:
Post a Comment