కార్మిక గీతం
తేది: 27-06-2020
శీర్షిక: కష్టాలకు మేమె అడ్డ్రసులం...
సంఖ్య : 452
కార్మికులం శ్రామికులం
కష్టాలకు మేమె అడ్డ్రసులం
చక్రం పనిముట్లయినా
సుత్తే కొడవండ్లయినా
చిత్తు బొత్తులే మా జీవితం ... //శ్రామి//
తరాల సమయం దాటినా
యుగాల కాలం గడిచినా
వెతలు నిండిన తలరాతలే.... //శ్రామి//
పేర్లు మారిన రాజ్యాలు
పెత్తనం మారిన భోజ్యాలు
పెనుగులాడుతున్న మా జీవితాలు //శ్రామి//
దినసరి లో కూలోల్లం
నెలసరిలో ఉద్యోగులం
పిసరంతా మారని మా జీవితం //శ్రామి//
పరిశ్రమల రొదలయినా
సాఫ్ట్ వేరు గదులైనా
అడుగడుగున మా నీడలే ... //శ్రామి//
ఉత్పత్తిలోన ఉత్పాదకతల్లోన
ఊతమే మేము జాతికెప్పుడు
అయినా పట్టదు మా గోడు. //శ్రామి//
కష్టాలను భరించే కార్మికులం
సుఖాలను పంచే మనసున్నోల్లం
నష్టాలను పూరించే కష్టజీవులం //శ్రామి//
నగునూరి రాజన్న
కరినగరము.
No comments:
Post a Comment