04-03-2022
శీర్షిక : మీరాబాయి
కవిత సంఖ్య : 110+2
శుచి శుభ్రతల అంబర వీధుల్లో
భూపాల రాగయుక్తమైన భువన
భూపాల రాగయుక్తమైన భువన
మోహన మనోహరం ... ఉదయ
భానుని సూర్యోదయాల జాడలు ......
శుకపికముల కువకువల సమయాన
రయ్యి రయ్యిమనే రణగొణల
రాగ ధ్వనులు లేని రహదారుల
రయ్యి రయ్యిమనే రణగొణల
రాగ ధ్వనులు లేని రహదారుల
కిరువైపుల మంచు ముత్యాలు నిండిన
గరికపూలవనం పైనా ... గర్వంగా
తచ్చాడుతున్న సీతాకోక చిలకలు..
మనో మందిరపు మెట్టుపై
అర్ధనిమీలితమైన కనుల
సోయగాలతో ... ఆ భామ
పండించిన భక్తి భావాలు ...
గోపాలుని సంకీర్తనా గానంలో
తన్మయత్వంతో తాదాత్మ్యం
పొందుతున్న విధానం ...మీరా
అని చెప్పకనే చెబుతుంది .....
ఎంతో మంది కవులతో
కీర్తింపబడి వారి కలాలనుండి
జాలు వారిన మీరాబాయి
పరమ పవిత్రమైన చరిత్ర
నిలువెత్తు సాక్ష్యాలు .. ....
సశరీరంగా జ్యోతిరూపమై
కృష్ణునిలో ఐక్యమైన
గొప్ప కృష్ణభక్తురాలు .......
నగునూరి రాజన్న
కరినగరము
No comments:
Post a Comment