శబ్ద శ్వాస
తేదీ 23.-3-22
శీర్షిక : నిశ్శబ్ద శ్వాస ....
కవిత సంఖ్య : 875
శబ్దమే శ్వాసగా కదులుతుంది
శంక లేని విధంగా ఈ విశ్వమంతా ...
భగభగమండే భానుమండలం
భంగిమై కదిలే కదా ఓంకారంతో ....
పాలపుంతలోన పయనమయ్యే ప్రతీది
సూర్యుడు చంద్రుడు నక్షత్రాలు గ్రహాలు ....
జీవరాశి వృక్షరాశి ఉనికికి గుర్తింపు
ప్రకృతిలో సల్లాపాల సరిగమలు ....
ప్రాణమున్నదన్న పలకరింపులు ....
పరిణమించే చీకటి వెలుగులై
పల్లవించే పక్షుల కువకువలతో ....
వెలుగు చీకట్ల సంధ్యలలో సైతం
కీచురాల్ల శబ్దాలే చిరునామై నిలుచు .....
శ్వాస శబ్దాల పరిశీలనలే
ధ్యాన సంద్రాల గుప్పిట నిలుచు ....
యోగ శాస్త్రాల నిపుణతలుగ
దండి ఆరోగ్యాల అవపోషణలకు.....
సృషించి బోధించే అనారోగ్యాలను
సున్నితంగా సంభాలించకపోతే
తెగించి విశ్వరూపమై నిశ్శబ్ద శ్వాసగా
నింగికెగిసి సేద దీరుతుంది ....
నగునూరి రాజన్న
No comments:
Post a Comment