అంశం : ఆట
తేది: 22-03-2022
శీర్షిక : స్వీయ , దేశ రక్షణలు
కవిత సంఖ్య : 238
ఆటపాటలు బాల్యానికి
అవసరాన తోబుట్టువులు ...
పిల్లలకు ఆట జీవితమైతే
పెద్దవాళ్లకు జీవితమే ఆట
గెలుపోటముల బాట.. ఆట
గెలుపొకరికి ... ఓటమి ఒకరికి ...
శారీరక ధృడత్వాలకు పెట్టింది పేరు
మానసిక వికాసాలకు ఊతమిచ్చు ....
అందించును ఆత్మస్థైర్యం
గెలుపు ఓటముల స్థితులలో
స్థితప్రజ్ఞతలకు బోధనలై
జీవితంలో అవగాహనలు పెంచు ....
శారీరక ధృడత్వముకు గొడుగై
స్వీయ రక్షణాలకు నాందీ పలికి
జాతి ఉన్నతికి సన్మార్గం చూపించు
దేశ రక్షణలకు సైతం ఊతం .....
మంచి చెడులను బోధించి
మానవతలను పెంపొందించు ...
అవసరాలలో ఆపదలనుండి
కాపాడుకునే జ్ఞానములనిచ్చు .....
నగునూరి రాజన్న
No comments:
Post a Comment