ఒకసారి పలకరించి చూడు
తేది: 10-03-2022
శీర్షిక : ఉపశమనాల జల్లు
కవిత సంఖ్య : 866
రాగద్వేషాల రమణీయతలతో
రంజిల్లు మానవాళి విశిష్టమై
వింత రీతిన విశ్వ జీవరాశిలోన
విభిన్నమై చూపు వసుధలోన .....
వ్యక్తిగతమైన ఆహ్వానాలు
ఆత్మీయతలు పెంచి
మానవతా వాదాలకు మలి
విడతన బంధమై నిలుచు ...
దుఃఖాలలోన పలకరింపులే
దూరా భారాలను దూరం చేసి ....
సాంత్వన లేపనాలు పూసి
బంధాలను బలోపేతం చేయు ....
పరిచితుల పలకరింపులు
పన్నీరై చిలకరించగా
తాత్కాలిక ప్రయాణాలలో
అపరిచితులైనను ఆత్మీయతలు
చుట్టబెట్టు .....
ముదిమి వయసు వారికైతే
ముద్దు ముద్దుగా బలవర్ధినై
యువరక్తాన్ని ప్రవహింప జేసి
ఉరకలేయు అవధులు దాటి .....
మనసు పెట్టి మాట్లాడితే
మట్టి కూడ పరిమళించు…
ప్రకృతిలోని ప్రతి అణువు
పులకరించి తరించు నేస్తమా…
శత్రువునైనా మిత్రునిగా మార్చే
ఒకే ఒక్క పలకరింపు .... పైసా
ఖర్చులేనిదే సుమా ....మానసిక
ఆలోచనా విధానమే మనసున
ఉపశమనాల జల్లు కురిపించు ....
నగునూరి రాజన్న
కరినగరము
No comments:
Post a Comment