సంధ్యా దీపం
తేదీ: 23-03-2022
శీర్షిక : సంస్కృతి ...
కవిత సంఖ్య : 110+9
రాతి గుహల్లోని జీవితం కాస్తా
పూరి గుడిసెల్లోంచి ... మారుతూ
మట్టి గోడల పెంకులింటి నుండి
రంగు భవనాల్లోకి మారాక....
నాగరికతలలో నడకలు
నేర్చిన మనిషి అనేకానేక
కోణాలలో అందుకున్నాడు
అభివృద్ధులు ....
విజ్ఞానాలతో విస్తరించుకున్న
విలువైన సంప్రదాయాలు
వింత వింత ఆచారాలు
నిండైన ఆభరణాలు మానవాళికి ....
అజ్ఞానానికి నిరాశకు ప్రతీక చీకటి
విజ్ఞానానికి ఆనందానికి మార్గం వెలుగు .
ఉత్సాహాలనిచ్చే ఉదయ సంధ్య
విశ్రాంతులనిచ్చే సాయం సంధ్య ...
ఉదయమందు దైవం ముందు
సాయంత్రమందు ప్రధాన ద్వారం వద్ద ....
ఉభయ సంధ్యలందు వెలిగించే
దీపాలనే ... సంధ్యా దీపాలని ....
దైవ సమానంగా ఆరాధించి
దండి అలంకరణల వెలిగించే
అత్యంత గొప్ప సంస్కృతి మన
హైందవాన ....
నగునూరి రాజన్న
No comments:
Post a Comment