చిత్ర కవిత
25-03-22
శీర్షిక: బాపూ బొమ్మైన నండూరి ఎంకి
కవిత సంఖ్య: 110+10
కట్టూ బొట్టులో కనిపించే
పదహారణాల పల్లెతనం
బుట్టబొమ్మలా పట్టుబట్టల్లో
అచ్చంగా తెలుగుతనం ....
మరకత శోభల మహీతలంపై
గడ్డిపూలు రెల్లు పొదల సమీపాన
చెరకుగడలు చేత బూని చిలక
పచ్చ చీరలో అచ్చంగా పోలేనే
బాపు బొమ్మై ....
చంకలోన కడవతో చెక్కిలి
విచ్చుకున్న చెలి నవ్వులు
చుక్కల్లో చందమామలాగా
అమిరింది నండూరి వెంకిగా....
ముగ్ద మానహరమే ముదిత
మంద్రహాసం ... హంస నడకల
అలరారే ఇరువైపుల కపోతాల
రక్షకభటులై రంజిల్లుచుండ ......
చక్కని చూపుల చిన్నదాని
వాడి చూపుల వలలో చిక్కి
తప్పించుకోలేరు ఏ మగ
మహారాజైనా ఈనాడు ....
నగునూరి రాజన్న
No comments:
Post a Comment