ఉత్తమ నాయకత్వం
తేది 25-02-2022
శీర్షిక : ఉత్తముడు ....
కవిత సంఖ్య : 857
చరిత్రలను అనుభవాలుగా
మలుచుకుని .... తప్పులు
దొర్లని వర్తమానాలతో కదిలి ...
ముప్పులు ముందే పసిగట్టగలిగే
భవిష్యత్తు నిర్ణయాల చాతుర్యం .....
అనుభవాల శూన్యతలో
అందుబాట్ల లేములలో
తటపటాయింపుల తక్కెడ
కాకుండా....నిఖార్సైన
నైపుణ్యాల ప్రదర్శన ......
స్వార్థాల సంచులు లేని
బంధుప్రీతుల రాబందు కాని
ఉత్తర దక్షిణాల ఉనికి లేని
స్వచ్చమైన సంయమనశీలి .....
అంధులు కూడా అనుసరించే
బ్రెయిలీ లాగా .... న్యాయదేవత
కళ్ళు మూసుకున్నా .... నడక
మాత్రం సాఫీగా సాగే న్యాయ మార్గం ....
ధర్మం ఒంటరిదైనదని
దాటేయకుండా .... యుగాలు
మారినా జగాన తేజమైన
రామరాజ్యంలా ఘన ఉదాహరణమై
సాగాలి ... ఈ కలియుగంలో సైతం ....
మంచికింకా మరణం రాలేదంటూ
ఋజుమార్గమున నిలిచిన
ధ్రువుడై ... రాబోవు తరాలకు
ఉదాహరింపబడాలి ...
ఉత్తమమైన అమ్మ గమ్యానికి
ఉదాత్తమైన తన గమనం జోడించిన
సంద్రపు అలల సంయమనశీలి
ఛత్రపతి శివాజీలా ...
మొత్తంగా ఉత్తముడై నిలవాలి ....
నగునూరి రాజన్న
కరినగరము
No comments:
Post a Comment