కాల రేఖలు
తేది: 28-03-22
శీర్షిక : సద్ది బువ్వ
కవిత సంఖ్య : 878
పగలు రాత్రుల పహారాలు
పక్కాగా సాగిపోయే కాలప్రవాహాలు ...
పనులను బట్టి మారక
పని తనాలను బట్టి మారునేమో ....
కాలంతో పాటు కాలు కదిపితేనే
చీకు చింతలన్నీ బలాదూర్ ...
కాలంతో పోటీ పడి కాలు దువ్వితే
బొక్క బోర్లా పడిపోవడమే .....
నిద్దుర పొద్దులు సమానమే
సద్ది బువ్వ లాగా సవ్యంగా
వాడుకుంటే... సవాళ్లన్నింటినీ
సై అని ఎదురీదవచ్చు .....
స్వార్థాలను చంకలు దింపి
త్యాగాల మూట నెత్తికెత్తుకున్న
నలుగురు మెచ్చే నడకైతే
నాలుగు కాలాలు చెప్పుకోరా ....
సొంతానికైనా ... సంఘానికైనా
సహజ సద్గుణాల సమ్మిళితమైన
సత్య ధర్మ న్యాయాల అండదండలతో
నడక సాగిస్తే .... వద్దన్నా వచ్చి
చేరవా ... నాలుగు చేతుల తోడునీడ.....
నగునూరి రాజన్న
No comments:
Post a Comment