చిత్ర కవిత
తేది: 11-03-2022
శీర్షిక : మలమల మాడుతున్న
మరకత శోభలు ....
కవిత సంఖ్య : 110+5
కాల చక్రంలో... కష్ట సుఖాల
సమ్మిళితమై... క్రమం తప్పని
ఋతు చక్రంలో కమనీయమైన
వర్ణాల సొబగులద్దుకునే ప్రకృతి .....
ప్రకృతికి మారు... పవిత్ర రూపమై
పక్షులకు నిలయమై పచ్చగ
మెరిసి మరకతమై శోభించి
పరుల మేలు సదా కోరుతూ
పరిమళించాల్సిన తరువు ...
స్వార్థ మానవాళి సంకుచితమో
కలికాలపు కాలుష్యపు కోరలో ...
పాలిథీన్ల పర్యవసానమో ....
విషతుల్యపు రసాయానాలో ....
వింత పోకడల జీవన విధానాలో ....
జీవరాశికి తోడు నీడగా ఉంటూ
వందలేండ్లు వర్దిల్లాల్సిన తరువులు
విలవిలలాడుతూ ... జీవ కళ
తప్పి పోయి... దిక్కులేని దీన
స్థితుల చూపులు చూస్తుండే ....
అనుభవాల దొంతరలో
తరిచి చూస్తే .... తప్పిదాల
వల్లనే మనం మంచి నీరుకై
అంగలార్చుతున్నాము ....
మనసు పెట్టి మనమంతా
నడవడి మార్చుకోపోతే
పచ్చదనాలు దూరమై ....
వెచ్చదనాల వేడి గాలులకు
మలమల మాడి ప్రాణవాయువులకు
కూడా పరితపించి పోవాల్సిందే
జీవరాశి ....
నగునూరి రాజన్న
No comments:
Post a Comment