కొనగలమా
తేది - 25-03-22
శీర్షిక : లెక్కలేని మంచితనాలు
కవిత సంఖ్య :240
శక్తి యుక్తులెన్నున్నా
జేబు నిండా డబ్బులున్నా
సంతలో దొరకనివి
డబ్బులతో కొనలేనివి ....
మచ్చ లెరుగని మల్లె సౌరభాల
పరిమళాలను వెదజల్లుతూ
ఆత్మీయ లతలల్లుకున్నఅమ్మ ప్రేమ
తొట్రుబాటెరుగని తోబుట్టువుల మమకారం
రత్నరాసులను తలపించే
ఆప్త మిత్రుల ఆప్యాతయత
కనురెప్పలా కనిపెట్టుకునే
కట్టుకున్న అనుబంధాల
భాగస్వామి మమకారం ....
వసి వాడని ... వమ్ముచేయని...
నమ్మకాలను...
మానసిక బలమని నమ్ముకునే
బంధు బలగాల వాత్సల్యాలను...
గురి కుదిరిన గురుశిష్యుల బంధాలను
వెలకట్టలేని మంచితనాలను .....
గుండెలు నిండిన తిరుగులేని దేశభక్తిని
నిప్పులాంటి నిఖార్సయిన సత్యాన్ని
జాతి భేదమెరుగని నీతి కలిగిన న్యాయాన్ని
పటిష్టమైన ప్రమాణపూరిత ధర్మాన్ని ...
అసలు సిసలైన ఆరోగ్యాలను ....
వరసపెట్టి వాస్తవాలను గ్రహిస్తూనే
అవధులెరుగని పట్టుదలలతో
అందరము ఒక తాటిగా నిలిస్తే
ఆనందాలను ఒడిసిపట్టొచ్చు .....
నగునూరి రాజన్న
No comments:
Post a Comment