నీలాల నింగిలో
తేది: 09-03-2022
శీర్షిక : అబ్బురాల పందిరి
కవిత సంఖ్య : 865
అమ్మ చేతిలోని పాలబువ్వకు
నీలాల నింగిలోని చందమామే
నిలువెత్తు సాక్ష్యం .... నిన్ను
నీవు మరిచి ... నిలువెల్లా
పులకించి ఆడి పాడి నిదుర
పోవడానికి .....
యవ్వనాల పులకింతలలో
జవ్వనాల మెరుపు తీగలకు
నయనమనోహరమయ్యే
జాబిల్లి మిలమిలలు ....
నక్షత్రాల తళతళలు .....
తొలివలపుల భావ తరంగాల
సెలయేటి తేనెల చెలిమెలు ...
ఉభయ సంధ్యలలోన
ఉత్తేజాలు నింపే సప్త
వర్ణాలను సంతరించుకుని ...
నిశి రాత్రుల్లో నక్షత్రాల
వెలుగు పూలు వెదజల్లి
కాల గమనాల గణనలకు
నాందీ పలికిన నాడీ కేంద్రం ....
ఆధ్యాత్మిక లోకాన
అబ్బురాల పందిరిగా
ఏడేడు లోకాలంటూ
ఎరుకపరిచే.... భాగవతమ్మున
వ్యాసభగవానుడు ......
నగునూరి రాజన్న
కరినగరము
No comments:
Post a Comment