పైరగాలి తేది:09-03-2022 శీర్షిక : సంధికాలం

 పైరగాలి 

తేది:09-03-2022

శీర్షిక : సంధికాలం 

కవిత సంఖ్య : 233

సంధికాలాల సంబరం ..... 

శిశిరంలో భూరివిరాళంలా 

తలలు విదిల్చుకున్న తరువులన్నీ 

బోసి మెడలతో కళ తప్పి దర్శించు .... 

వసంతంలోకి పయనమవగానే 

హత్తుకున్న పైరగాలులతో  

పసుపు, నారింజ ఎరుపు ఆకులతో 

కొత్త చిగుళ్ళను సంతరించుకొను ... 

కాల పురుషుని కదలికల .... 

కమనీయతలు  అంతుచిక్కనివి  ... 

జీవరాశికి భువిరాశికి అవినాభావ 

సంబంధాల భాందవ్యాలు ఏర్పరచడంలో .... 

వసంతాల వాకిలి 

అల్లంతదూరాన దరిచేరగనే 

పైరగాలి పటుతరమై 

చూతపత్రాల చివుళ్లు 

పూతలందుకుని మత్తులు వెదజల్లు ..... 

మత్త కోకిలమ్మల కుహు కుహు 

రాగాల రంజింపచేసి మధుమాసపు 

మాధుర్యాలను వెదజల్లు .....