విన్నపాలు వినవలె
తేది: 24-03-22
శీర్షిక:
ఘన ఉదహరణం
కవిత సంఖ్య: 876
యుగాలు మారినా జగాన తేజం
రామ రాజ్యమే ఘన ఉదహరణం
కాదెందుకో దృష్టాంతం కొందరికైనా
కాసుల మీదే యావ నేటి నాయకగణం ....
తండ్రికొరకు తృణముగ వదిలె రాజ్యం
కైకేయి మాటపైన కానలకు అరుదెంచె
ప్రశాంత చిత్తుడై పరిపూర్ణ వదనుడై
సౌమిత్రి సీత సహా పంచవటి నివసించె ...
భరతుడే కోరినా.. భవ్య రాముడై
ప్రజల సంక్షేమం కొరకే పాలనలు
ప్రతిబింబించాలంటూ పాదుకలకు
ప్రతినిధిగా పాలన కొనసాగింపుమనె...
కోరిన మిత్రునిదైనా..కోరని శత్రువుదైనా ..
పోరిన రాజ్యాలను కోరి గెలిచినా....
ధారాదత్తము చేసె వారికే ....చా
సమరస సౌభ్రాతృత్వం సాటి వారిపైన ....
మంచి గుణానికి మరణం లేదని
పదే పదే రుజువులు పరుస్తూ
కాల ప్రవాహంలో కాకలు తీరె..దిన దినం
కణ కణమంటూ దేదీప్యమౌతున్నది....
అయినా వినరేంటి నేటి పాలకులు
ఆపన్నుల విన్నపాలు
అందివచ్చిన పాలనే అహంకారమా
కలిమాయాల ప్రభావమా ....
నగునూరి రాజన్న
No comments:
Post a Comment