హోళి
తేది: 18-03-22
శీర్షిక: వసంతోత్సవము
కవిత సంఖ్య: 871
అమోఘమైన అనుభవాల జాడలు
అడుగడుగున ప్రజ్వరిల్లు పండగలై
హైందవాన సిరి సాంప్రదాయాలై
ఆరోగ్యాల సంపదలై అనుసరిస్తే వరాలై….
కాలమాన ప్రభావాలను కాముక
కలిపి చూసె పెద్దలు జీవనగమనాన..
మార్పులను పసికట్టి.. మతలబులు
అక్షరీకరించె..ఆధ్యాత్మికతలు జోడించి…
ఆధ్యాత్మికమో ఆనంద నందమో
యుగ యుగాలనాటి పండగ ….
ప్రకృతిలో పల్లవించే రంగులకు
ప్రతీక పాల్గుణ పౌర్ణమి హొలీ పర్వం ...
పరమేశ్వర తపో భంగానికి
పరాభవ కోపోద్రిక్తుడైన ముక్కంటి …
కుమార సంభవానికి తెరతీసిన
మన్మథుణ్ణి మంటలలో ఆహుతి చేయ
అదియే ప్రధానమై నిలిచె కామదహనమై….
వసంతోత్సవమన్నా మదనోత్సవమన్నా
యమునా తీరాన కృష్ణుడు చిలకరించినా
గోపికలు ప్రేమామృతాన్ని విరజిమ్మినా
ద్వపారములో దర్శనమిచ్చిన హోళిపర్వం ....
రాధాకృష్ణుల రసరమ్య భావనల సమ్మేళనం…
నగునూరి రాజన్న
No comments:
Post a Comment