విరహ గీతం
శీర్షిక : నీ మాటే…..
కవిత సంఖ్య : 926.
మల్లెలన్ని వాడిపోయె
మనసైన ఓ బావ
మాయదారి మత్తును
వీడరాదా ఇకనైనా…
ఎంతమాట నీనోటా
సొగసరి మరదలా
మాటవరసకైనా
నీవట్టా అనమాకె చిట్టెమ్మా…
పరిమళాలు వెదజల్లే
పరాశ్కాల బావయ్యో
ప్రేమలన్ని నింపితివి
పెనిమిటిగా చేసుకుంటి…
కలల లోన విహరించకు
ఖరాబయేను ఆరోగ్యము
ఇలలోనె స్వర్గమూ
ఇకనైనా మారిపో ….
పొద్దుపొడుపు దగ్గరున్న
పొలగాండ్లం మనమూ…
జీవితాంతం కలిసిమెలిసి
చెరుకుతీపి తిందాము…
అట్టాగే చిట్టెమ్మా మాటియ్యనా…
ఒట్టేసి చెయ్యేసి చెప్పెయ్యనా…
ఇకనుంచీ నీమటే నాకు వేదమూ
ఇకనుండీ నీ నడకే నాకు మార్గమూ…
నగునూరి రాజన్న
No comments:
Post a Comment