ప్రపంచ జనాభా దినోత్సవం
తేది : 11-07-2022
శీర్షిక : అపాయం అంచున
కవిత సంఖ్య : 144+4
ఉత్సవమనగానే ఊరేగడం కాదు
తప్పొప్పులు విశ్లేషించుకోవడం ...
వివేకంతో అడుగులేయడం ...
విజ్ఞానంతో విజయాలు సాధించడం ...
విజ్ఞాన ఖనినని విర్రవీగుతున్న
మనిషి మాత్రం వింతజీవి ...
స్వార్థాలను నెత్తికెత్తుకుని
కల్తీలకు పాల్పడుతూ కాలుష్యాలతో
కాపురం చేస్తూ...పశు పక్ష్యాదులు
కీటకాలకు ...సర్వమంగళానికి తెర లేపే ....
చాదస్తాలతో చాలామంది
భారం దేవుడిదని మరికొందరు
స్వార్థచింతనలతో ఇంకొందరు
ఎవరికి వారే యమునా తీరే ....
జనాభా పెరుగుదల విషయంలో…
రాజుగారి పాత్రలో పొసే పాలలా...
పరిమిత వనరుల పంపకం
అపరిమిత జనాభా అవసరాలు
కాలం చెల్లిన కఠిన నిర్ణయాలు
కలిసిగట్టుగా దాడి చేస్తుంటే ....
అంతరించే ఆటవిక సంపదలతో
జన సంచారంలో క్రూర మృగాలు
నిత్య కృత్యమై....అపాయాల అంచున
రోదించే కుటుంబాలు... చేతులెత్తేసే
పరిస్థితికి ప్రభుత్వాలు ...
నగునూరి రాజన్న
No comments:
Post a Comment