చిత్ర కవిత
09-06-2022
శీర్షిక : విభిన్న ధ్రువాలు
బ్రహ్మ ముహూర్తమున లేచి
బహు శుచిగ స్నానమాచరించి
బలాదూరుగా తిరుగుచూ....
గీత బోధనల సారాంశ భావాన్ని
నీతిగా వల్లించే నిష్ఠగల పక్షి ...
ఏవీ నీవి కావు కావు అంటూ...
కర్ణ కఠోరమైన శబ్దాలతో కవాతు చేస్తూ
విసుగు తెప్పించే వింత పక్షి ...
స్వీయ క్రమశిక్షణల చిత్రమే
వేటకెళ్లి సాయంత్రం గూటికి చేరంగ
గోప్యమైన సహజీవన విధానాల
గుప్తజ్ఞానం కలిగిన పక్షిరాజం..
మనుషులను గుర్తుంచుకుని
మసిలే తత్వమున్న పక్షిరాజం…
స్నేహజీవనానికి సంకేతంగా
కష్ట సుఖాలలో కలుసుకుంటూ
కలుపుగోలు తనాల కలబోతల పక్షి ..
సదా కలసి మెలిసి బతకాలనే
కలికాలపు కాకమ్మ..
అప్పుడప్పుడు వసంతాల
వెల్లువలో వచ్చి మావి చిగుళ్లు
తిని మత్తుగా పలకరించే
గడసరి రాగాల కోయిలమ్మ ...
వీనులకు విందు చేస్తూ
పిల్లల ఆటపాటలకు పిలవని
పేరంటమై మాధుర్యపు ఆనందాలను
పంచుతూ పిల్లా పెద్దలను మెప్పించే
కోయిలమ్మ ...
తన గుడ్లను తాను పొదుగలేక
కాకమ్మల మద్దతులు కూడగట్టే
కబోది.... ఇరువురి మంతనాలు
ఇరకాటమే ప్రకృతి విధానానికి ....
నగునూరి రాజన్న
No comments:
Post a Comment