ఔను
తేది : 18-07-22
శీర్షిక : పట్టుదల ...
కవిత సంఖ్య : 939
స్వాతంత్య్రం వచ్చి ఏండ్లు
గడిచినా మారని పరిస్థితే ...చిల్లు
పడినట్టు వచ్చే వానలకు
ముల్లె మూటలు సర్దుకోవడమే ...
దళారీల వ్యవస్థలో దన్ను లేని
నీతివాక్యంలా ... పనులన్నీ
నట్టేట ముంచే నాణ్యతలతో
ప్రతీ సారీ రెడ్డిగారొచ్చారు మొదలాయెలా ... .
లంచగొండి వ్యవస్థల నీడలలో
చాప కింద నీరులా విస్తరిస్తూ
మర్రిమానులా ఎదుగుతున్న
కార్పొరేట్ సంస్కృతుల సంద్రంలో.....
రెక్కలు ముక్కలు చేసుకుని మధ్య
తరగతి కడుతున్న రక్తస్వేదపు
పన్నుల పనులన్నీ.... మట్టి కొట్టుకు
పోతున్నాయి పేదల బతుకులు ....
మానవత్వపు మచ్చుతునకలు
మంచితనం పంచే పరిమళాలు
ఆత్మీయతల ప్రాణవాయువులు
మాత్రమే ఉంటే సత్తా చాలదు ....
పరిస్థితులనెదిరించే మొండితనం ....
మూర్ఖులను ఢీకొట్టే గుండె ధైర్యం...
ప్రజలను బాగుచేయాలని సంకల్పం
ఎలాంటి సవాళ్లనైనా ఎదుర్కునే
పట్టుదల సడలని దీక్షలుంటేనే ....
ఫలితాలు .....
నగునూరి రాజన్న
No comments:
Post a Comment