రదీఫ్ : తెలుపనా
తేది : 09-07-2022
కవిత సంఖ్య : 4
గజల్ సాధన
అవనిలో అంతయూ వింతయని తెలుపనా
మనుషులా జన్మమూ మహితమని తెలుపనా
ప్రకృతీ పాఠములు ఎంతనో బోధించు
పదుగురికి పంచడం పరమమని తెలుపనా ..
పట్టదూ మనుషులకు ఎందుకో ఇలలోన
ప్రతీదీ ఉచితమయి అలుసెనని తెలుపనా
సమరసత లోపించె అందరిలొ ఎందుకో
స్వార్థాల సంచులే పట్టవని తెలుపనా
రాజన్న మాటలో రత్నమై ఒదిగినది
జనఘోష నిత్యమై గెలుచునని తెలుపనా
నగునూరి రాజన్న
No comments:
Post a Comment