జీవుడి వేదన
తేది : 11-07-2022
శీర్షిక : ధన్యజీవి ...
కవిత సంఖ్య -933
దేహమే దేవాలయమని
జీవుడే దేవుడని ఘోషించె
ఉపనిషత్తులు పురాణాలు ....
అంకురమే అశనిపాతం
పుడమిపై పుట్టుకే పోరాటం
అడుగడుగున వేదనాభరితం ...
సలహాలిచ్చేవారే సగం మంది
సాయానికొచ్చేవారు శూన్యం
అమలు చేయలేని ఆదర్శాలు
అవసరానికందని సంతోషాలు ...
బుద్ది నేర్చేవరకంతా
పొద్దు నెత్తి కెక్కింది
నియంత్రణ లేని ప్రారంభం
గమ్యం తెలియని గమనం ...
విశ్వమంతా సప్తవర్ణశోభితమే
అయినా అడుగడుగున అగాధాలే
తమ పర బేధాలుండయి
స్వార్థాల సుడిగుండాలలో .....
గీత బోధనల సారాంశంగా
తపించడం కన్నా జపించడం
మేలని తెలుసుకున్న జీవుడే
ధన్యజీవి .....
నగునూరి రాజన్న
No comments:
Post a Comment