ప్రత్యేక కవిత తేడి : 04-07-22 శీర్షిక : మన్యం వీరుడు

 ప్రత్యేక కవిత 

తేడి : 04-07-22

శీర్షిక : మన్యం వీరుడు 

కవిత సంఖ్య : 144+2

తెలుగు జాతి ముద్దు బిడ్డ 

తెగువ చూపి నడిపించే ... 

తెల్లోని మనసులోని 

నల్లమచ్చ మర్మమేందో 

తెలువపాయే మనవాళ్లకు 

వంచించి మోసపుచ్చే .... 

వర్తకమని వాపోయిరి 

వలసవచ్చి పాలించిరి

సంస్కృతిని చెరబడుతూ 

విషనాగుల మరిపించే.... 

బడుగుల బాధలతో  

చలించిన మారాజు 

విద్యలేమి అబ్బకున్న 

విధానాలు తెలుసుకునె 

మితవాదం పొసగదని 

అతివాదం పొదువుకునే...  

ముల్లును ముల్లుతోనే

తీయాలనె మన్యం వీరుడు 

ఆగడాలు  ప్రశ్నిస్తూ 

అత్యాచారాలను నిలదీసి  

తెల్లోళ్ళను ఉరికించె 

విల్లంబుల తరిమికొట్టె ... 

వందే మాతరమంటూ 

నరనరాన రగిలించే 

చైతన్యపు బాటలు 

వెలుగుబాట దివిటీలు ... 

గిరిజనులకు దన్నుగా 

చెట్టుపుట్టల నివసించి 

ఠాణాలను కొల్లగొట్టి 

మందు గుండు చెరబట్టె ... 

హక్కులకై ఉద్యమించి 

ఉక్కుపిడికిలి బిగించే 

స్వాతంత్య్రపు సమరానికి 

సయోధ్యగా నిలిచాడు .... 

తెల్లోడి మోసాలకు 

ఒకరొకరై  నేల కొరగ 

ఒంటరిగా నిలిచినా 

తూటాలకు గుండె చూపె.... 

తిరుగులేని వీరుడయ్యి  

తిరగవేసే చరితను.... 

తెల్లోళ్ళను ఎదురించి 

తెలుగు నాట వెలుగులీనె .... 

నగునూరి రాజన్న