చిత్ర కవిత
తేది : 15-07-22
శీర్షిక : ఉనికి శూన్యమౌను ....
కవిత సంఖ్య : 144+6
కన్ను మిన్ను కానకుండా
స్వార్థాలకు సంకేతించావు ...
కళ తప్పిన పృథ్వీ చాటున
తల దించుకుని నిలిచావు ....
ఎండిన మోడు వెక్కిరించంగా
ప్రాణవాయువులకై పరితపిస్తున్నా
ఎరుపెక్కిన భూమండలం చూసి
వెన్నుపూస వంగిపోయిందా ?
కాంక్రీటు జంగల్లు కవాతు చేయగా
ఛాయలోని ఆరా చూసుకుని
అమాయకునిలా నటిస్తున్నావా ?
కకావికలమౌతున్న పక్షుల
ఆర్తనాదములు నిను చేరడం లేదా ?
పంచభూతాలను పట్టినా ముట్టినా
పబ్బతి పట్టి పూజించిన
పూర్వీకుల పురాణాలు నిరాధారం
కావని ఇప్పటికైనా గుర్తించావా ?
మేలుకో మానవా లేదంటే
కోలుకో లేవు.... జగతిని ఏలుకో
లేవు ... మనుషులే లేని ... జీవరాశి
లేని .. జగతిలో ఉనికే శూన్యమౌను ....
నగునూరి రాజన్న
No comments:
Post a Comment