లలిత గీతాలు
తేది : 16-07-2022
శీర్షిక : ఏడుకొండల వెంకన్న
కవిత సంఖ్య :
ఏడుకొండల వెంకన్నా
వేగమేరారా దరిచేర్చా...
దర్శన మాత్రపు అర్చనల
దండిగ భక్తుల బ్రోచుటకై
విష్ణురూపమే వెంకటేశుగా
విశ్వరక్షణకు ఏతెంచితివా ...
అలిగినదేవిని అనునయించ
ధ్యానచింతన చేయుచుండగ
వల్మీకములో శయనించి
వర శివ బ్రహ్మల గోక్షీరము గ్రోళిన //ఏడు//
వకుళమాత వరపుత్రుడవై
వసుధలోన వెలిసితివా ....
గోవిందరాజు సోదరుడా
గోపాలకృష్ణ అంశజుడా…..
ఆకాశ రాజు అల్లునిగా ...
ఆదిలక్ష్మికి పతిగా నిలిచి ....
రంగనాథుడిగా కరుణించి
గోదాదేవిని బ్రోచితివా ... //ఏడు//
ఇద్దరు భామల ముద్దుల మూర్తిగ
కొండల పైన వెలిసితివా ....
అన్నమయ్యచే కీర్తనలంది
అలవైకుంఠముగ అలరారంగా ..
కాచి మమ్ము రక్షించుమయ్యా
కలియుగ దైవం నీవెకద
గోవిందా హరి గోవిందా
గోకుల రమణా గోవిందా….. .//ఏడు//
ఏడుకొండల వెంకన్నా
వేగమేరారా దరిచేర్చా...
నగునూరి రాజన్న
No comments:
Post a Comment