చిత్రకవిత…
24-06-22
బాల్యమంతా బంగారుమయమే
ఆటపాటల అల్లర్లతో ...తోటి మిత్రుల
తొండి ఆటలతో ... చిరు బుర్రు కోపాలు
చిన్ని చిన్ని ఆనందాలు...మూటలకొద్దీ
సంపదలు…ముద్దుగొలిపే సన్నివేశాలు …
అరుగుల మీద కూర్చున్న ఆరిందలంతా
అమ్మలకు చేయందించి ఆశ్చర్యమున
తిలకించసాగె… ఆశగా ఎదురుచూస్తూ…
సంస్కృతి సాంప్రదాయాల సందళ్ళకై…..
కొత్తనీటితో వచ్చే కోరింతలకు
మెత్తగా నూరిన గోరింటాకు
కొమ్మలేకనే పూసింది కోణంగుల
అర చేతుల్లో..వింతగా కోటి కోరికలు
కొసిరి తీర్చంగా ఆడ పడచులకు…
అన్నం కూర పప్పు నెయ్యంటూ
ఆట పట్టించినా అందమే….
అందరిని పొందుగ కూర్చోబెట్టి
అమ్మ నేర్పిన ఆటలే మధురం
ఆపాదమస్తకమ్ తన్మయత్వమయినా….
సశాస్త్రీయమైన సద్గుణ సంపన్నము
మన సనాతన సాంప్రదాయము
ఆరోగ్యరీత్యా అలరారుచున్నది
ఆడవారికి అలంకారమై అప్రతిహతంగా
ఉత్సవాలలోన గూడ మెహందీ ప్రత్యేకమై……
నగునూరి రాజన్న
కరినగరము.
No comments:
Post a Comment