చిత్రకవిత 02-07-22

 చిత్రకవిత 

02-07-22

శీర్షిక : 

పచ్చ పచ్చని తివాచీలా 

పరుచుకున్న ప్రకృతిలోన 

పరువాల పడతి పంచుకునెనా

అందాల నాట్య భంగిమలు… 

కొంటె చూపుల కోణంగి

కోరి చూచుచుండె కొమ్మచాటున 

ఎదలో నిలిచిన రారాజుకై 

ఎదురుచూపుల వగలమారి…. 

నీరెండలోన నిగనిగల మేని 

తాండవించె తమకముతో….

అపురూపమై నిలిచె ఆమెచూపులు

అంతరాత్మన నిలిచిన సుందరాంగునికై…. 

మాట విననంటు మారాము 

చేసె… మయసభను మరిపించె

మల్లెతోటల తావి…సఖుడెక్కడనిన… 

సాకులు వల్లించె సక్కనైన మనసు నిక్కముగ… 

వేచిన కనుదోయి వేయి వరాలాయెను 

చూచిన కలువ కన్నులు ఆనందమై వర్షించ

దోచిన మనసు దోబూచులాడె ప్రియుని రాకకై.. 

తప్పక తీరునని తానిచ్చె మాట ప్రకృతి కాంతకు… 

నగునూరి రాజన్న