ఆకాశ మార్గాన
తేది : 07-07-2022
శీర్షిక : చేరలేవు ....
కవిత సంఖ్య : 931
మేడిపండులా మెరిసిపోతూ
లోపాలన్నీ అంతరంగమున దాచుకుని
మోసపు ప్రేమలు ఎంత ఒలకబోస్తే
మాత్రం... ఆకాశ మార్గమౌతుందా ?
స్వార్థపు అశ్వాలపై స్వారీ చేస్తూ
వంచనల ఎత్తుగడల అమలులతో
కలికాలపు కాలనాగులను జ్ఞప్తికితెస్తుంటే
ఇంక ఆకాశ మార్గమెలా అవుతుంది .....
వాటమైన నిలువలు మళ్లించుకుని
శారెడన్ని జలముల చిలకరింపులకే
బారెడంత పుణ్యముల మూటలకు
ఆకాశ మార్గమని భ్రమల విహారమే కద ....
వారంటే వీరిని ... వీరంటే వారని ....
నోరు తెరువలేని మధ్యతరగతిని
పన్నుపోటులతో మట్టి కరిపిస్తుంటే
నిలకడ మీద నిజరూప దర్శనాలవయా ...
సంక్షేమాల పేర సంచులెన్ని కుమ్మరించినా
యుగాలు దాటి జగాన మేటిగ నిలిచిన
వారి పాద ధూళికి కూడా సరితూగక ....
ఆకాశ మార్గమెప్పుడు చేరగలవు ?
నగునూరి రాజన్న
No comments:
Post a Comment