ప్రత్యేక కవిత
తేది : 22-07-22
శీర్షిక : చైతన్య స్రవంతి
కవిత సంఖ్య : 144+10
కత్తికన్నా పదునన్నాడు
కలంతోనే కలబడినాడు
ప్రజలపక్షం వహించాడు
నిజామునే ఎదిరించాడు ...
అధికారమదాలతో కళ్ళు
మూసుకుని కబోదిలా
వ్యవహరిస్తున్న నాటి
హుంకరించే ప్రభువులపై...
చైతన్యం నిండిన
కవిత్వంతో ఘీంకరించి
విరుచుకపడె పద్యాలతో
బడుగులు బలహీనులకై ....
అగ్నిధార కురిపించినా
రుద్రవీణ మ్రోగించినా
తిమిరంతో సమరం చేసినా
ప్రజలకే అమృతాభిషేకం ....
ఇరువైపుల పదునైన కత్తిలాంటి
కలంతో... బడబాగ్నులను దాచుకుని
విప్లవాన్ని శాసించినా ... విరహాన్ని
పండించి చల్లని చక్కని కమ్మని
సినీ గేయాలనందించిన ధీశాలి .....
నగునూరి రాజన్న
No comments:
Post a Comment