వెలుగు చూడని వాస్తవాలు
తేది : 19-07-2022
శీర్షిక: అణగదొక్కే నిజాలు
కవిత సంఖ్య : 940
పేరు మారుతూన్న పాలనలే
పెత్తనమెప్పుడు ధనవంతులదే ...
ఉన్నవాడికి మాత్రమే దక్కుతూ
పేదోడికి పెనుదూరం రాజ్యభోజ్యం...
పేరుకే ఓటర్లది ప్రజాస్వామ్యతీర్థం
జాతరంతా కొంతమంది చేతుల్లోనే…
జాతరంతా కొంతమంది చేతుల్లోనే…
ఉత్సవాలన్నీ ఉన్నతాధికారులవే ...
జాగరణలే ఓట్లపండగ తదుపరి…
జాగరణలే ఓట్లపండగ తదుపరి…
గొప్పోళ్ళ గోత్రాలన్నీ గప్పాలతో
నింపేసుకుని ... పేదవాని ఆకలికి
ఒక పేజీ అయినా మిగల్చని
చందమె... చరిత్రల వెక్కిరింపు ....
పేజీలకు పేజీల రాజ్యాంగాలు
ఉన్నోడి సంపదల కాపలాలకు ...
లేనోడి బ్రతుకు భారాలకు ...
మద్యోడు మోస్తున్న పన్ను పోట్లకు ...
లెక్కలేనన్ని చట్టాలు దేశము నిండా
....
మేధావులకు చుట్టమవడానికి తప్ప ....
పట్టించుకున్నదెపుడు సగటు రైతన్నను
ప్రాణాలను తృణప్రాయంగా సమర్పిస్తూ
శత్రు మూకల ఛేదించే సైనికులను ....
డాబు దర్పమో ... అధికార వ్యామోహమో
గూండారాజ్యమో .... కుటిల మనస్తత్వమో
అన్నీ అణగదొక్కే నిజాలే ... చరిత్రకందని
సత్యాలు .... వెలుగు చూడని వాస్తావాలు .....
నగునూరి రాజన్న
No comments:
Post a Comment