శ్రావణమాసం
తేది : 10-08-2024
శీర్షిక: పండగల కాలం
ఋతువు మార్పుతో
గతి మార్చుకున్న కాలం
ముసురులతో మురిపించి
గ్రీష్మ తాపాన్ని మరిపిస్తుంది. ...
పండగల మాసంగా పేరొంది
ఆధ్యాత్మిక తరంగంతో
అలరారుతుంది శ్రావణం
ఆడవారి పేరంటాలతో ...
ఆచారం సాంప్రదాయంగా
అంది వచ్చును నాగుల పంచమి....
శుభ శుక్రవారములలో రెండవది
వరలక్ష్మి వ్రతములతో వాయనమైంది ....
అనుబంధాలకు చిహ్నంగా
అలరారినది రాఖీపౌర్ణమి ...
కన్నయ్య రాకకు కూడా
కాలం కలిసి వచ్చింది కృష్ణాష్టమిగా ....
మాసమంతా మగువలకు
మనసారా ఆచరించే
వ్రతములకు వాయనాలకు
పేరంటాలకు పెన్నిధినే ....
పాదాలకు పసుపు పూతలు
పట్టువస్త్రాలు తళతళలు
నోములు పూజలతో
శ్రావణలక్ష్మిని కొలిచెదరు
నగునూరి రాజన్న
No comments:
Post a Comment