పిల్లి
తేది :08-08-2024
శీర్షిక : శకున పక్షి
సబ్బు బిళ్ళ అగ్గిపుల్ల
కాదేది కవితకు అనర్హం
అన్నారు మన ఘన కవివర్యులు
శ్రీ శ్రీ గారు....
పిల్లి పాలు తాగినట్లుండాలె
గాని కుక్క పాలుతాగి కుండ
పగులగొట్టినట్టు ఉండకూడదంటారు ...
రాజకీయాలకు సరిపోయే సామెత ...
ఎలుకల బాధకు ఇల్లు
కాల్చుకునేదానికన్నా
పిల్లిని పెంచుకోవడం మేలు
కదా ...అంటారు, కానీ పిల్లి
ఎదురైతే శకునం లెక్కలేస్తారు ...
తల్లి ప్రేమకు తార్కాణంగా
పిల్లలను ఏడిల్లులు తిప్పి
అయినా కాపాడటానికి
శతవిధాలా ప్రయత్నిస్తుంది....
పిసినారిని మాటనలేక
పిల్లికి బిచ్చం పెట్టాడురా
కాకికి ఎంగిలి చేయి విదల్చడని
పరోక్ష సూచనలు .....
పిల్లి సైతం పులి అవుతుందంటారు
హద్దులు మీరు సహన పరీక్షల్లో
గదిలో బంధించి గావుపడితే ....
పిరికి వాళ్లకు ధైర్య బోధనలో ....
పెళ్ళికి పోతూ పిల్లిని చంకన
వేసుకోలేకపోయినా ....
విదేశాలలో పెంపుడు పిల్లులకు
ఆస్తి పాస్తుల అప్పగింతలు ....
పేదరికం నిర్వచనం లో
ఇంటిపొయ్యిలో పిల్లి లేవలేదురా
ఆలుమగల చిటపటలలో
పిల్లి ఎలుకల చెలగాటం అంటారు....
నగునూరి రాజన్న
No comments:
Post a Comment