తొలకరి జల్లు

అంశం - తొలకరి జల్లు

తేదీ - 08-06-2019

శీర్షిక - హాలికునికి పండగ 

సంఖ్య - 206

గ్రీష్మ తాపాన సూర్యుడు మండిపోయి 

దండి ఎండలను మెండుగా ప్రవహింపజేయ

సంద్రమెల్ల  ఆవిరాయె సంతసంబుగ 

తిరిగి మధురమైన తొలకరిగ భువిని జేరంగ  ... 

నెర్రెలూనిన నేల ఆనందాలు చిగురించ

పరితపించిన భక్తునికి చిక్కిన మోక్షమోలే

పచ్చ తివాచీ పరిచి ప్రకృతి పరవశించంగ

పెద్ద పండగే కదా మన హాలికునికిక.... 

మనిషి పశువు చెట్టు చేమ పుట్ట పురుగు  

అన్నియును ఆత్రముగ ఉపశమించు 

తల్లి పిల్లలను తన్మయంగ నిమిరినట్లు.....

సర్వ జనులకు సంబరాలు తొనకిసలాడు...

చెరువులు కుంటలు వాగు వంకలు నదులన్నీ 

నగారా మోగించు నర్మగర్భముగా 

తయారై వేచియుండు ఎద పొంగంగా 

పనికి ఆహార పథక శ్రామిక సౌందర్యంతో...   

ఏమరుపాటుగా పురపాలకులుంటే 

వేటాడు మనుషుల క్రిమి కీటకాలనేకం

పారా హుషార్ పలు అనారోగ్యాల దెబ్బ

ఉరుకులు పరుగులే ఇక వైద్య సిబ్బందికి ... 

 

నగునూరి రాజన్న 

కరీంనగర్ (ప్రస్తుతం: USA)