మట్టి బంధం

అంశం - మట్టి బంధం

తేదీ- 26-06-2019

శీర్షిక - అమ్మతనం 

సంఖ్య -220

పంచ భూతాల పవిత్రమే ఈ జన్మం 

అమ్మ కడుపున రూపు దిద్దుకున్న ఆకారం 

అమ్మ ఒడి నుండి అడుగిడగానే అందింస్తుంది సహకారం 

అన్ని భూతాలను - గాలి నీరు నిప్పు ఆకాశం 

అక్కున చేర్చుకున్న మమకారం 

అడుగడున అందిస్తుంది ఆహారం 

కనిపెట్టుకుని కాపాడుతుంది అనుక్షణం

గాలి నీరు కూడు గుడ్డ నీడ అందించు అనేక రకం  

అవుతుందా మానవుని వల్ల బ్రతుకు నిబ్బరం 

అమ్మలాంటి అవని ఒడి లేక ఆధారం ... 

జన్మనిచ్చి పెంచిన అమృతమూర్తి  అమ్మ సైతం 

వదిలి వెళ్తుంది కొంతకాలానికి  దూరం 

తనువున్నంత సేపు మోస్తుంది ఈ అమ్మ భారం 

తదుపరి కూడా చేరదీస్తుంది ఖనన రూపం 

అయినా గుర్తెరుగరు ఈ మానవ లోకం 

అన్నింటా ప్రదర్శిస్తారు కలుషితాల రాక్షసం 

అన్ని సహిస్తూ నిలుస్తుంది అమ్మతనం 

ఆఖరుకు గుర్తించక అవుతారేమో తమంత తామే భస్మం....  

నగునూరి రాజన్న 

కరీంనగర్ (ప్రస్తుతం: USA)