అంశం - అమ్మా నాన్న ఓ చరవాణి
తేదీ - 04-06-2019
శీర్షిక - చరవాణి.... ఓ అమ్మా నాన్న
సంఖ్య - 202
ఆత్మీయతలకు చిరునామా
అమ్మా నాన్నల ప్రేమానురాగాలు
రక్త మాంసాలు పంచి తనువునిచ్చి
స్వేదం చిందించి పోషిస్తారు ...
కడుపు చూసి కళ్ళల్లో పెట్టుకుంటారు ...
పారిశ్రామిక విప్లవ ప్రభావమో
పాశ్చాత్యుల కన్ను పడిందో
పాపాత్ముల దృష్టి దోషమో
అవిభాజ్యాలు కనుమరుగై
మేమిద్దరం మాకిద్దరు ముద్దయింది ....
సాంకేతిక విస్ఫోటనమో
సమకాలీన పరిస్థితులో
స్త్రీల చదువు ఉద్యోగ వేటతో
పల్లె పట్టణీకరణ గుంజాటనతో
అమ్మ లాలనలు అందని ద్రాక్షలు...
విద్య వైద్యం విస్తరించక పోయినా
పెద్దలకు పిన్నలకు పిడికిట విశ్వమై
అవసరాలకు, ఆనందాలకు
అమ్మ లాలి పాటలనుండి
అనంత విశ్వ రహస్య ఛేదనల దాకా
సమయ నిమగ్నతకు,సరదా వినోదాలకు
సమస్త విజ్ఞానాలకు,వికాస పరిణామాలకు
గూగులమ్మ గుస గుసలతో
సర్వులకు చరవాణే ప్రధానం....
ఆ తదుపరే అమ్మైనా నాన్నైనా ....
నగునూరి రాజన్న
కరీంనగర్ (ప్రస్తుతం :రిచ్మండ్ )
No comments:
Post a Comment