అంశం : జీవితమే ఒక పాఠశాల
తేది -15-06-2019
శీర్షిక - సమాజమే తరగతి గది
సంఖ్య - 212
బాల్యమంతా బంగారుమయం అయినా
బతుకు దారంతా ఎత్తు పల్లాలమయం మిత్రమా!
భద్రమైన ప్రయాణం చేద్దామనుకున్నా
బలిపశువవ్వాల్సిందే కొన్నిసార్లు .....
జీవితమంటేనే బ్రతుకు బ్రతుకనీయ్యు
జీవితమంటేనే గొప్ప అనుభవాల ప్రోది
ఎప్పటికప్పుడు ఎదురయ్యే చిన్న పెద్ద సందర్భాలు
అనుభవిస్తూ అనుసరించాల్సిందే .....
ఆనందంగా ఆహ్లాదంగా ఉండాలనుకుంటే
ఆత్మీయత అనురాగాల వైపు అడుగెయ్యి
ఆచరణ అనుకున్నంత సులభం కాపోవచ్చు
ఆశించకుండా అందిస్తుండాలి సుమా ....
కుళ్లు కుతంత్రాలతో కరచాలనం చేయాలనుకుంటే
కల్లాకపటాలతో కలిసిమెలిసి సాగితే సరి
అక్కడకూడా అప్రమత్తంగా నడవాల్సిందే మరి
అంతానికి అదే ఆయుధమవుతుందేమో..
ఏది చేసినా ఎందుకు చేసినా ఎలా చేసినా
ఎదుటివారి మనస్సులో ఎంత కాలం బ్రతికామో
తిరిగి చూస్తే చరిత్రలో మిగిలామా రగిలామా
అన్నదే గొప్ప సత్యం అదే నిత్యం....
జీవితమంటేనే షడ్రుచుల మిశ్రమం
సమాజమే తరగతి గది ప్రజలే సహావిద్యార్థులు
ప్రతినిత్యం ఏ గురువు నేర్పని ఓ పాఠం
నేర్పే పాఠశాలే మిత్రమా!
నగునూరి రాజన్న
కరీంనగర్ (ప్రస్తుతం: USA)
No comments:
Post a Comment